By: Marylou Ugad (SFL)
Ang pagibig ay parang musika
Na kung minsan ay nasa tyempo at minsa’y sintunado pa
Sa bawat pagkanta kaakibat ay pangamba
Subalit kapag awit mo’y iniaalay sa kanya, walang dapat ipag-alala
At kung iyong isipin, pagibig ay lumilipas din
Katulad ng isang awitin, kahit na ito’y pahabain,
Sa dulo ay may wakas at natatapos din
Ngunit tulad din ng awitin, pagibig kay sarap ulitin
Ang pagibig ay parang musika, hatid sa ati’y saya
Minsan nama’y pagluha ang dala,
Na para bang pag-gitara masakit lamang sa umpisa,
Subalit ang mahalaga nasaktan ma’y natuto Ka
Kaya kayong mga kaibigan ko, kung meron mang talinto,
Gamitin at ibahabi mo lalo na sa serbisyo,
Sa bawat oras at minuto, na inialay mo,
Pagkakalooban ka ng biyaya ng amang mapagmahal sayo
The Vineyard Magazine 